Jeta Spahiu, bashkëshortja e Arbnor Spahiut, ka reaguar me një postim prekës pas lirimit nga burgu të ish-pjesëtarit të Njësisë Speciale Operative të Kosovës, i cili ishte arrestuar nga autoritetet serbe.

Në reagimin e saj, Jeta i uroi mirëseardhje bashkëshortit, duke e përgëzuar për forcën dhe durimin që kishte treguar gjatë gjithë kësaj periudhe të vështirë.

Ajo tregoi se muajt e gjatë të pasigurisë dhe vuajtjeve kishin qenë të rëndë për të dy, por theksoi se besimi i palëkundur në drejtësi e kishte mbajtur të fortë. Sipas saj, ky moment shënon një pikë të re kthese për familjen e tyre.

“Bashkëshorti im u lirua më në fund. Pas kaq shumë dhimbjesh, pas kaq shumë netëve pa gjumë, pas gjithë asaj barre që e mbajte i vetëm atje brenda… sot më në fund je në shtëpi. Nuk u dorëzove asnjëherë, sepse e dija që e vërteta jonë do fitonte. Mirë se erdhe dashuria ime e jetës. Ke përjetuar shumë, ke hequr më shumë se çdo kush mund ta imagjinojë..por ja ku jemi sot: bashkë, më të fortë se kurrë. Fundi i dhimbjes është fillimi i lumturisë sonë”, ka shkruar Jeta Spahiu në reagimin e saj./Arbresh.info

Ish-polici Arbnor Spahiu lirohet nga burgu në Serbi